Davao City – Gidasig sa usaka opisyal sa City Government sa Davao ang tanang mga Pilipino nga dawaton na lamang nga bukas sa kasingkasing ang pagkapildi ni Miss Philipines Gazini Ganados sa bag-ohay pa lamang natibawas nga Miss Universe 2019 beauty and brains pageant.
Matud ni William Banzali, usaka city government functionary, ang Miss Universe contest usaka kompetisyon diin dili sa tanang panahon pabor sa Pilipinas ang kadaugan.
Segun ni Banzali, angay gihapon nga magpasalamat ang mga Pilipino sanglit nakasulod man gihapon sa Top 20 ang pambato sa Pilipinas konsiderahon nga ang 69 ka kandidata nga wala maapil, pulos usab talentado, maanyag ug matahom.
Dugang ni Banzali, dili na isyu nga ang midaug ug nakoronahan sa Miss Universe 2019 mao ang pambato sa South Africa nga si Zozibini Tunzi puli kang outgoing Miss Universe 2018 title holder Catriona Gray.
Nagbunga gayud ang paningkamot, pag-antos ug paghago ni Tunzi aron maangkon ang ciertong kadaugan sa Miss Universe 2019, panapos ni Banzali.
RadyoMan Joel Viray
