BACOLOD CITY – Gin-ako naman ni University of St. La Salle-Bacolod alumnus Mark John Simondo nga iya gid man handum nga mag-top sa Bar Exam.
Sa resulta nga gin-release kahapon sang Korte Suprema, nag-number 1 si Simondo sa 2017 Bar Examination nga may average nga 91.05 percent.
Sa presscon kagab-e, ginpahayag ni Simondo nga tatlo ka butang ang rason kon nga-a iya nalab-ot nga mag-top sa Bar, una bangud sang suporta sang iya nga ginikanan, iya special someone kag sang iya law school.
Si Simondo ang 31 anyus, kag taga-Barangay 33, syudad sang Bacolod.
Samtang, gina-congratulate ni Mayor Bing Leonardia ang 2017 Bar Topnotcher nga si Mark John Simondo sang University of Saint La Salle (USLS)- Bacolod College of Law.
Suno kay Leonardia, nga ang pag-TOP ni Simondo sa Bar Exam ang isa ka proud moment sa syudad sang Bacolod.
Dugang pa ni Mayor Bing nga iya gina-dayaw kag gina-saludar si Simondo bangud nga magluwas nagpanguna ini sa Bar Exam, naka-angkon pa ini sang average rating nga 91.05.
Pahayag sang alkalde nga ang kadalag-an ni Mark John Simondo ang mapatu-od lang nga maka-sarang ukon maka-compete ang mga local talents sa mga ‘The Best of Manila’ kag iban pa bahin snag pungsod.
Pabutyag pa ni Leonardia si Simondo ang mangin source of inspiration sang mga Bacolod City particular sang mga estudyante nga naga-kuah sang abogasya. / Si Simondo sa presscon kagab-i sa Bar 21 Restaurant
