Nalakip karon ang Brgy. 23 nga anaa sa listahan sa Philippine Drug Enforcement Agency o PDEA isip seriously affected barangay tungod sa kakulang sa rekisitos nga ilang gihatag.
Matud ni Police Chief Insp. Enrique Belaca-ol, ang Hepe sa Macabalan Police Station nga basi sa ilang monitoring wala na malakip sa seriously affected ang Barangay 23.
Apan tungod sa kakulang sa ilang rekisitos, maong wala pa kini gitangtang sa listahan isip seriously affected barangay ilabina kung ang pagkalambigit sa ilegal nga druga ang hisgotan.
Gipahayag usab ni Kapitan Jaime Frias sa Barangay 23 nga kung ang rekisitos nga gipasabot sa P-DEA 10 mao ang rehabilitation program sa iyang barangay, angkunon niyang wala kini rehabilitation.
Kini tungod kay tulo lamang ang buot magpa-rehab, kinsa iya na usab nga gipaapil sa rehabilitation sa Barangay Macabalan.
Giangkon usab ni Agent Calibre nga ang rason kon nganong nalakip ang Barangay 23 sa top 5 tungod na usab sa rekisitos diin usa niini ang rehabilitation program.
Mahinumdoman, nga usa ang Barangay 23 sa lima ka barangay nga gideklarar sa P-DEA 10 isip seriously affected barangay, lakip na ang Barangay Carmen, Bonbon, Bugo ug Lumbia.
By: RadyoMaN Ellah Baculio
