Nahimong grand champions ang Barangay 26 ug Barangay Pagatpat alang sa urban ug rural barangays category sa Pasko de Oro Icons Contest.
Gihimo ang awarding ceremony atol sa flag raising sa city hall kagahapon sa buntag.
Ang duha ka barangay nakadawat og tag 250-mil pesos nga premyo.
Nakuha sa Barangay 17 sa urban barangay ug Iponan sa rural barangay category ang ikaduhang pwesto nga nakadawat sa premyo nga tag 150-mil pesos.
Ang ikatulong dapit nakuha sa Barangay 38 sa urban barangay ug Barangay Indahag sa rural barangay category nga nakadawat sa premyo nga tag sien mil pesos.
Nakadawat usab og special award nga dunay premyo nga tag 50-mil pesos ang Barangay 22 ug Barangay Tablon tungod sa maayo nilang pagkagamit sa recyclable materials.
Gilusad sa syudad niadtong Disyembre 10, 2018 ang Pasko de Oro Icons contest.
Kini pinaagi sa Office for Community Affairs kon OCA ubos ni Oliver Egypto ug OCA overseer Patrick Gabutina, inabagan sa Liga ng mga Barangay nga gipangulohan ni ABC President ug City Councilor Alam Lim.
