Gidaseg ni Kapitan Julito Ogsimer sa Barangay Lapasan ang katawhan nga mosaksi ug maminaw sa ipahigayong Barangay Assembly ugmang adlawa, Marso 24 sa alas dos sa hapon.
Atol sa maong Barangay Assembly, ipadayag ni Kapitan Ogsimer ang State of Barangay Address kung asa naka sentro kini sa iyang Anti Drug Campaign, diin mismong si Kapt. Ogsimer ang nanguna sa paghangyo niadtong mga nalakip sa listahan sa PDEA nga mu-surrender.
Dugang pa ang ilang paghatag sa pagtagad sa Barangay Council Protection for Children ug Violence Against Women and Children.
Samtang naglaraw kini nga patas-an ang honorarium ug hatagan sa insurance ang ilang 20 ka mga tanod.
Dugang pa ang Sitio Empowerment niini ug Lapasan Care program kung asa tubagon sa baranagy ang panginahanglanon niadtong mga indigent nga mga taga Barangay Lapasan.
Samtang naglaraw kini nga magtukod og condominium type nga relocation site ug paghimog duha ka andana nga Pasalubong Center sa Barangay Lapasan.
Nasayran nga si Kapitan Julito Ogsimer, milingkod isip kapitan sa Barangay Lapasan niadtong Hulyo dos sa milabayng tuig.
