![BARANGAY-CAPTAIN.jpg](https://i0.wp.com/rmn.ph/wp-content/uploads/2019/12/BARANGAY-CAPTAIN.jpg?resize=696%2C464&ssl=1)
Davao City – Mabungahon ang tuig 2019 alang sa syudad sa Davao tungod sa wala’g tuo nga kalamboan nga makita nato karon sama sa imprastraktura ug pagdagsa sa dagkung mga pamatigayon dinhi sa dakbayan ikumpara sa nangligad nga mga katuigan.
Matud ni Association of Barangay Captains kun ABC President Edgar Ibuyan, Sr. anaa ang bypass roads, road widening, padayon nga gitukod nga coastal road ug paghimo og railway system nga magkonektar unya sa Davao City ngadto sa ubang bahin sa Mindanao.
Dili usab malilong ang pagbutho sa low ug high-rise structures kun mga gambalay maingon man ang pagdaghan sa mga sakyanang pribado or pampubliko hinungdang naghuot na karon ang trapiko denhe sa sentro sa dakbayan.
Nunot kini sa maayong liderato ug pagdumala sa mga anaa sa gahum sa lokal nga kagamhanan inabagan sa nasudnong gobyerno, busa satisfied si Ibuyan sa kalamboan nga nakab-ot karon sa syudad.
Posibito si Ibuyan nga kung unsa man ang estado sa ekonomiya ug kalamboan nga naangkon sa dakbayan karon, mas mo-doble pa unya kini sa 2020 hangtud mahuman ang termino ni Pres. Rodrigo Duterte sa tuig 2022.
Gidasig usab ni Ibuyan ang tanan nga padayong musuporta sa kagamhanang lokal ug sa nasudnong gobyerno aron adunay mabatonan nato nga dugang kalamboan ug progreso.
RadyoMaN Joel Viray