General Santos City—sikop sa gihimong search Operation sa Philippine Drug Enforcement Agency (PDEA)-Regional Office 12 ang usa ka Barangay Councilor kansa gikonsiderang high value target sa Makilala, Cotabato Province.
Sikop ang suspek nga si ELMER PETECIO o mas naila sa tawag nga Kagawad Eming, 36, residenti sa Purok Lubi, Barangay Guangan, Makilala, North Cotabato.
Si Petecio, Barangay Kagawad sa Barangay Guangan kansa una nang subject kaniadto sa Oplan Tokhang. Una na usab kining gipanghimangnuan sa kapulisan kaniadto apan wala patuo mao nga gipailawom sa operasyon sa PDEA.
Mukabat sa (15) ka sachets sa gituohang shabu nga dunay timbang nga (5) ka gramo nga gibana-banaang anaa sa kantidad nga 25,000.00. Samtang narekober usab sa posisyon sa nahisgutan ang usa ka notebook diin nakalatid matud pa ang illegal drug business transactions, sa nahisgutan.
Samtang sa samang adlaw laing anti-narcotic operation ang gipahigayon sa PDEA -12 uban ang kapulisan sa may Purok Busay, Barangay Guangan, Makilala, North Cotabato.
Target sa operasyon mao si ALVIN NGUHO Alias YOYOY, 36, minyo, laborer ug residenti sa samang lugar. Si Nguho nasikop human nga nakuhaan kini ug (11) ka sachet sa gituohang shabu nga dunay gibug-aton nga (5) ka gramo nga nagkantidad ug P25,000.00.
Narekober usab ang Caliber .38 revolver ug mga buhing bala. Gikaingong si Nguho ug Kagawad Eming ang magkauban sa ilang iligal nga aktibidad sa maong lugar. Kasong kalapasan sa Section 11 (Possession of Dangerous Drugs), Article II (Comprehensive Dangerous Drugs Act of 2002) kon Republic Act 9165 ang ipasang-at nga kaso batok sa maong mga suspetsado.
