Epektibo pa gihapon ang Barangay Exit Pass o BEP ning syudad sa Cagayan de Oro bisan pa sa Unified guideline nga gipirmahan ni President Duterte nga nagmando nga usa ka patakaran ang sundon sa mga local government units sa pagpatuman sa General Community Quarantine niining kampanya sa gobyerno batok sa Coronavirus Disease o Covid-19.
Matud ni Mayor Oscar Moreno nga epektibo pa ang BEP tungod kay ubos pa gihapon sa Community Quarantine ang syudad sa Cagayan de Oro.
Gibutyag sa Mayor nga ang kahulogan sa Quarantine ang pagpuyo sa balay ug mogawas lamang kon dunay importanteng lakaw.
Kini ang rason nga dunay iyang BEP nga naghatag panugot sa usa ka indibidwal nga mogawas sa iyang pinuy-anan tungod sa iyang importanting katuyoan.
Ang dili na magamit basi sa unified guideline sa Malakanyang ang Quarantine Pass, Travel pass, authority to travel nga gimando sa local chief executive.
Gipasabot ni Mayor Moreno nga kining mga mando, nawad-an nag gahom tungod sa unified guideline sa Malakanyang.
