Barangay gipahimangnoan nga dili magpabayad bugti sa quarantine pass – DILG Bukidnon

57

Gipahimangnoan sa Department of the Interior and Local Government (DILG) Bukidnon ang mga opisyal sa barangay nga wala silay awtoridad aron maningil para sa ipanghatag nga quarantine pass sa ilang mga nasakupan.

Sa interview sa RMN Malaybalay ngadto kang DILG Bukidnon Provincial Director Engr. Carmelo Libot, gibutyag niini nga free of charge ang mao nga quarantine pass sa mga barangay ug local government unit.


Matud niya nga kadaghan na sa mga barangay sa Bukidnon naghimo na sa mao nga pamaagi aron mabatukan ang pagkatag sa COVID 19.

Dungan niini giaghat ni Engr. Libot ang publiko nga sundon ang lakang nga gihimo sa gobyerno tungod kay gihimo kini alang sa kaayuhan sa tanan.

Nagpahinumdom usab siya nga kung aduna nay quarantine pass dili kini himoong lusot aron sa paglaroy-laroy na lang bisan ilabina ug walay mahinungdanong tumong ug tuyo.

Gihimo kini aron malimitahan ang mga tawo nga magawas-gawas sa ilang balay ug unta gamiton lang kini kung mupalit ug pagkaon ug tambal.

Facebook Comments