Barangay hall, gilusob sa mga residente tungod sa gikareport nga dunay gitagoang ballot boxes

Nabulabog ug nabalda ang trabaho sa mga empleyado sa Barangay Santa Cruz, Tagoloan, Misamis Oriental mga alas 10 kagahapon sa buntag.

Kini sa dihang milusob sa ilang barangay hall ang daghang residente sa maong barangay.

Nasayran nga duna matud pay tulo ka ballot boxes nga gitagoan sa mga Barangay Santa Cruz officials.

Apan gibutyag sa usa ka Jonalyn nga nagpa-ila nga siya ang administrador sa Barangay Santa Cruz nga “fake news” ang dala ug bakak ang pasangil sa mga residente sa ilang barangay.

Matud ni Jonalyn nga walay ballot boxes nga ilang gitagoan sulod sa ilangbarangay hall.