Sunday Lockdown dili epektibo sa pagbatok sa Covid-19 sumala sa usa ka eksperto

18

General Santos City–Gihingusgan ni Dr. Fidel Peñamante,Presidente sa Philippine Medical Association kung asa sakop niini nga mga lugar ang Gensan, Sarangani ug Polomolok nga dili epektibo ang gipatuman nga Sunday lockdown sa Gensan kung ang tumong aron lamang makontrola ang pagkuyanap sa corona virus.

Sumala pa ni Dr. Peñamante nga aron makontrola ang covid sa syudad kinahanglan ang 14 ka adlaw nga lockdown ug dili usa ka adlaw lang.


Sumala pa nga makadaot lang hinoon kini sa estado sa usa ka tawo gumikan kay ang adlaw’ng Domingo mao ang panahon sa mga kristiyano nga manimba aron nga makahinuklog ang katawhan ug aron nga makapangayo ug grasya ngadto na sa labayng makagagahum.

Hilabina karon nga daghan ang mga anaa sa kasakitan tungod naapektuhan ang panginabuhi asa walay income gumikan sa nasinatiang pandemya.

Saysay pa niini nga sa hut-ong sa mga Doctor gusto nila nga wagtangon na ang Sunday lockdown sa syudad aron nga makasimba na ang katawhan ingon man makapanginabuhi ang mga tawo unsa man ang ilang trabaho alang sa ilang pamilya.(RV)

Facebook Comments