Patay ang usa ka barangay kagawad sa Barangay Indalasa, Malaybalay City, Bukidnon human kini gipusil alas 8:30 sa gabie adtong Miyerkules, (May 13, 2020).
Matud sa PNP nga ang biktima naila nga si Marido Binalo, 50 anyos minyo nga taga P-4 sa mao nga dapit.
Nasayran, nga usa kini ka rebel returnee kaniadtong 2009 ug napili isip Barangay Kagawad sulod na sa walo ka tuig ug naghupot sa Committee on Agriculture.
Matud pa nga nakadawat na kini ug hulga gikan sa New Peoples Army kon NPA human nga nibiya sa mao nga grupo.
Sa imbestigasyon sa kapulisan nasayran nga pauli na unta kini sa iyang panimalay gikan sa Barangay Kalasag para sa pagpatuman sa curfew apan gipusil kini sa 3 ka mga miyembro sa NPA ilawom sa Front Committee 89.
Naka-angkon ug 14 ka samad pinusilan ang biktima.
Narekober sa crime scene ang 33 ka fired cartridge cases sa M16 rifle ug duha ka buhing mga bala.
