Naka-half mast karon ang bandila sa Pilipinas ngadto sa Barangay Hall sa Barangay Lun Padidu, Malapatan, Sarangani Province human sa pagkamatay sa barangay kagawad dihang gipusil sa riding-in-tandem alas-8:32 sa Martes sa buntag.
Sa inisyal nga imbestigasyon sa Malapatan Municipal Police Station giila ang biktima sa shooting incident na si Kagawad Rene Kamid, 41 anyos og residente sa Purok Purok Upper Masagana, Barangay Lun Padidu, Malapatan, Sarangani Province.
Sa pamaha yag ni Police Major Benjie Ancheta, hepe sa presinto sa kapolisan sa munisipyo nga samtang nagkape sulod sa ilang balay si Kamid dihang misulod ang usa ka lalaki og gipusil sa makadaghang hingayon si Kagawad Kamid.
Tungod sa mga gunshot wounds sa nga naangkon sa biktimang barangay kagawad wala na kini madala sa ospital og nakabsan sa iyahang kinabuhi.
Dugang ni PMaj. Ancheta, nakita sa CCTV sa Barangay Hall ang pag-sutoy og padagan sa nakamotorsiklo na mga suspek paingon sa direksyon sa Alabel.
Samtang base sa pamahayag sa nakakita nakasuot og tshirt ug bonet ang duha ka tawo nga responsable sa krimen.
Sa crime scene narekober ang unom ka fired cartridge case sa .45 caliber pistol.
Dungang pag-angkon ni Ancheta nga sa karon blangko sila sa motibo sa pagpusil patay sa opisyal sa barangay.
Photo Courtesy: Nhonho Maraquez Ojacastro
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: Nhonho Maraquez Ojacastro.jpg]
