General Santos City–Hemas rehas na karon sa silda sa Polomolok Minicipal Police Station ang usa ka barangay kagawad sa barangay Palian nga si Abbie Bansil, 56 anyos, taga Palian Tupi, South Cotbatao kansa nasikop sa kapulisan nga dunay duha ka warrant of arrest.
Nasayran nga gikasa ang operasyon sa pag-implementar sa maong warrant alas 5:30 sa hapon niadtong milabayng adlaw sa nasampit nga lugar sa mga personahe sa Polomolok MPS, RID 12 og SCPPO nga giisyu ni Hon. Judge Allan Edwin Boncavil sa RTC-branch 62, Polomolok, South Cotabato.
Malamposong nasikop ang nasampit nga kagawad gumikan sa iyang duha ka warrant of arrest sa kasong kalapasan sa sec.3 of PD 1866 og Sec.1 sa RA 9516 nga walay piyansa nga girekomenda ang korte nga dunay criminal case no. 5553-18 ug lain pang kasong kalapasan sa sec.11 art.2 sa RA 9165 nga dunay criminal case no.5554-18 nga dunay pyansa nga 200,000 ka pesos.
Sa karon ginapaabot na lang ang commitment order gikan sa korte aron hingpit ng mabalhin sa South Cotabato Provincial Jail ang maong dinakpan.
