TACLOBAN CITY – Patay an usa nga barangay kagawad matapos nga pusilon ha Brgy. Aligre, Dulag, Leyte kasangkulop, September 24.
Ginkilala an barangay kagawad nga hi Rogelito Dukot, 57 anyos, residente han Brgy. Tolosahay, Julita, Leyte.
Nagawas ha inisyal nga imbistigasyon han mga otoridad, nagpapakasta hin baboy hi Dukot mga alas 3:00 han kulop ha Brgy. Aligre han Dulag han pusilon ini han suspek.
Ha interview han RMN kan P/Capt. Edgar Remandaban, Chief of Police han Dulag, may mga threats na nga nakakarawat an biktima tinikangan han bulan han Agusto.
Caliber .45 an gamit han suspek ha pagpatay kan Dukot.
Mayada na person of interest an mga otoridad pero nagpapadayon pa an imbistigasyon kun ano an hinungdan han krimen ngan madakop an suspek.
