Patay ang usa ka barangay kagawad sa Brgy. Sumpong, ning siyudad sa Malaybalay human nga gipusil kini sa riding-in-tandem suspek.
Sa kasayuran nga nakuha sa RMN Malaybalay gikan ni P03 Lahayon imbestigador sa Malaybalay City Police Station kon MCPS nga ang biktima nailang si Ruel “Mawi” Romeo, 48 anyos ug kasamtangang kagawad sa Brgy. Sumpong.
Nahitabo ang pagpamusil alas 8:15 kagabie sa P-3, Fortich Street, National Highway sa mao nga barangay.
Naka-angkon ug samad pinusilan ang biktima sa iyang lawas.
Nasayran nga ninaug sa motor ang usa ka suspek nga naka-bonet ug nipusil sa kagawad, ug daling nisibat ang mga suspek human ang gihimong pagpamusil.
Sa karon, padayon nga gi-imbestigahan sa kapulisan kung unsay motibo sa mao nga krimen.
Facebook Comments
