Usa ka Barangay Kapitan sa Misamis Oriental ang naaresto sa kapulisan.
Ang suspek mao si Alben Bagongon, Kapitan sa Barangay Tabok, Lagonglong, Misamis Oriental.
Nakuha gikan kang Bagongon ang napulo ka sachet sa gituohang shabu, usa ka kalibre .38 nga armas, drug paraphernalia ug 200-thuosand pesos.
Nalakip na sa Oplan Tokhang ang maong kapitan apan wala miundang sa iyang ilegal nga kalihukan.
Naaresto si Bangonon sa mga operatiba sa Provincial Drug Enforecement Unit, Provincial Intelligence Branch, 1001st Maneuver Company, 10th RMFB, Regional Drug Enforcement Unit 10 ug Lagonglong Municipal Police Station gamit ang search warrant.
Kasong illegal possession of firearm ug pagsupak sa Republic Act 9165 ang atubangong kaso ni Bagongon.
Mahinumdoman, nga niadtong Dominggo nasikop usab si Kapitan Hermito Laid Jr. sa Barangay Patag, Opol, Misamis Oriental tungod gihapon sa illegal nga druga.
PC: Pcrb
