Sarangani Province–gihagit karon ni Sarangani Provincial Police Director Senior Supt. Joseph Semillano si Barangay Captain Tony Malayo sa Barangay Maligang, Kiamba, Sarangani Province nga magpasaka kini og kaso batok sa mga New People’s Army kon (NPA).
Kini human gisulod sa mga rebelde ang iyahang panimalay niadtong milabayng semana sa kapin 30 ka mga armadong kalalakinhan sa pagpanguna ni Kumander Rayray sa Front Committee 73 sa CPP NPA.
Kahibaluan nga human gisulod sa mga rebeldeng NPA ang panimalay sa Barangay Kapitan gipanguha sa mga rebelde ang armas og mga bala niini. dugang pa ni PD Semillano nga taktika kini sa mga rebeldeng NPA nga mangilog og mga armas sa ilahang mga kalaban aron maoy gamiton sa pagpakusog sa ilahang pwersa sa Sarangani Province.
Tungod sa maong insidente nakig-alayon na karon ang kapulisan ngadto sa tropa sa militar aron gukdon ang mga rebeldeng NPA nga anaa gihapon nagtag- tagu sa kabukirang bahin sa Sarangani, South Cotabato og Sultan Kudarat.
