Malampusong gi-raid sa hini-usang pwersa sa Philippine Drug Enforcement Agency Region-12 inabagan JTF GenSan,27-infantry Battalion, NICA-12,PCG, JRTF,ISAFP ug PRO-12 ang tulo ka properties ni Mayor Anecito Jojo Kulas Lopez sa Barangay Lumasal Maasim Sarangani Province. Nasayran sa RMN GenSan nga gi-serve sa PDEA-12 ang tulo ka search warrant nga gi-issue sa korte sa Quezon City matud pa ni PDEA Regional Director Gil Castro 1:17 sa kadlawon gisulod sa tropa ang balay ni Mayor Lopez, apan nakasibat ang Mayor pero nakumpiska ang kapin usa ka kilo nga gidudahang shabu nga nagkantidad ug 5-million,Laboratory Equipment,money trails,nagkalain-laing kalibre sa armas ug bala, lakip ang drug paraphernalia sa mismong kwarto ni Mayor Lopez. Hinoon human gihatagan ug ultimatum sa PDEA ang Alkalde mi-surrender kini pinaagi sa tabang ni Senador Manny Pacquaio sa Mansion-2 sa Salvani Street Barangay City Hieghts ning syudad.
Segun sa PDEA-12 si Mayor Jojo Lopez, ang pinakadakong drug Lord sa Region-12 Socsargen Region ug gi-ilang leader sa El PATRON Drug group ug supporter sa New Peopleās Army ug grupo ni Tokboy Maguid ang Ansar al-Khilafah Philippines kon AKP. Dugang pahayag ni PDEA Regional Director Castro nga ana-a sa green book nakalista ang daghan pang pangalan sa promenteng tawo ug Narco-politician nga maoy ilang target human sa pagkabungkag sa EL PATRON Drug syndicate nga gipangulohan ni Mayor JoJO Kulas Lopez sa lungsod sa Maasim Sarangani Province.
Nagdumili sa paghatag pahayag si Mayor LOPEZ sa gihimong ambush interview sa RMN GENSAN, apan si Mrs. Haydee Lopez hugtanong gipanghimakak ang nakuhang droga sa ilang panimalay gani bisan usa ka lugas nga shabu walay makuha sa ilang balay busa dayag nga planted lang ang mga nakumpiskang droga ug Ecstasy. Naku basta masakspan ning mga dagkong mangtas permi gyud sila wiper permi balibad sama nilang Mayor Rolando Espinosa, Mayor Reynaldo Parojinog pulos to sila wala bisan nakumpiskahan nag kinilong shabu, murag mga uwak nga bisan nakatangag wala gihapon. Buot bang ipasabut ni Mrs.Lopez nga gimani-ubra sila sa PDEA? Nga nag tumo-tumo ang PDEA saka planted lang ang ebidensiya nga nakuha sa balay ni Mayor Lopez? Kapin usa ka kilong Shabu, may laboratory Equipment, Ecstacy mga Drug Paraphernalia,Granada dala lugar sa PDEA,NICA,POLICE ug Sundalo nga maoy nag conduct sa joint operation? Unsay purpose sa PDEA-12 gani mi-anhi gyud ang PDEA Director General si General AARON AQUINO sa kadaghan sa Mayor sa nasud si Mayor JOJO LOPEZ lang gyud lugar ang napili-an nga planteran ug droga kana kon dili tinuod nga involve kini sa sindikato ang EL Patron Drug group? Impossible
Gani wala nabani-og si Mayor Anecito JOJO Lopez nga nalambigit sa kalakaran sa droga diri sa Sarangani sa nanglabay nga katu-igan wala ko sukad maka dungog nga naay Mayor sa Sarangani Province nga ana-a sa watch-list sa ARMM ug sa Maguindanao may tunog nga pangalan pero sa Sarangani nakurat ang tanan kay wala nanganli si Mayor Lopez kini si Mayor naay balay gani sa GenSan diha sa may atis street, kalit lang ning niputok ang Mayor sa mismo ng adlaw nga gi-ronda sa PDEA,POLICE ug Sundalo ang balay sa Mayor, saka sa kadaghan sa nakuhang mga ebidensiya lisod nga katuohan ang version sa pamilyang Lopez nga planted ang tanang nakumpiska sa ilang pinuy-anan. Hinoon mi-surrender man si Mayor Lopez kasohan paman kini still presume as innocent ang Mayor unless proven guilty iyang atubangon ang asunto but as of this moment lisod nga katuohan ang version nga planted ang nahitabo sa pagpang raid sa balay ni Mayor Lopez sa Lumasal Maasim.
Si Michelle Allaga Drug Lord sa GenSan, si Balong Espinosa Drug Lord sa South Cotabato ug Mayor JOJO LOPEZ ang ulo sa EL PATRON Drug Group ang dakong tigpayuhot ug illegal nga droga sa Rehiyon gamit ang ilang pagka negosyante ug posisyon sa goberno nga maoy tinubdan sa ilang dili ma implikar nga propedad busa na trace sa PDEA nga konektado kining tulo ka personalidad sa operasyon sa iligal nga droga sumala ni PDEA-12 Regional Director Gil Castro. Posibling laglagan ang nahitabo aning sindikato kay nadakpan naman ni silang Balong Espinosa ug si Michelle Allaga, basta lagi dunay tinago-an mo alingasaw gyud na kay matud pa sa Lucas 8:17 Kay walay butang nga tinago nga dili igapadayag ni bisan unsang butang nga matago nga dili mahibaloan ug mabaniog, sama sa panultihon sa akong Lolo Melquides wala aso nga makumkom. Dapat karon palang mo tender na ug resignation si Mayor JOJO Lopez aron dili magsakrapisyo ang katawhan sa Maasim ug makahimog mga lakang ang Besi-Mayor nga mapalambu ang nahisgutang lugar kay segun sa atong nahipos nga impormasyon dugay nang panahon nga nagdumala si Mayor Lopez apan walay halos kabag-ohan nga na-angkon sa Maasim, ang naka benipesyo ug na kwartahan mao lang si Mayor Lopez. Ang mga Police nga na assign matud pa sa Maasim Police Station inutil sa pagsulbad sa pagkuyanap sa iligal nga droga, nagpaka buta bungol sa sitwasyon sa ilang lugar kay seguro nakabalo sila na mismong ang ilang Mayor ang promotor? Gani nag aso-aso daw ang ilong ni PRO-12 Regional Director General Cedrick Train ug daling gi-relieved ang Chief of Police nga si Police S/Inspector CaƱeso Golwingon nga nag lurat lang ang mata nga naa ra sa iyang tungod ang higanteng tigpayuhot ug shabu, dili lang shabu pati ecstacy por diyes porsento pagka inutil nga Chief of Police. Gidudahan raba nga posibling may mga Police sa Maasim nga patong o naka Payola kay Mayor Lopez kay basta naay mga i-raid diha sa Maasim makasibat ang suspect, si Mayor Lopez, segurado daw ang PDEA nga sa dihang ilang gikasa ang operasyon naa lang sa sulod si Mayor JOJO LOPEZ, apan dako ang katingala sa raiding team nga na wala parang bula si Mayor Lopez busa gituohan nga may naka timbre o naka inform sa alkalde rason nga naka sibat kini ug wala sa area dihang nahitabo ang search operation.
Kung tinuod man gani ning involve sa Droga, sindikato leader sa El Patron drug group si Mayor Lopez, wala na siyay nawong nga ika-atubang sa katawhan sa Maasim ug kinatibuk-ang Sarangani, nabalita na tibuok Pilipinas, starring na sa dautang binuhatan ang Mayor, dayag sa Batakang balaud, Article XI Accountability of Public Officers Section 1.Public officers and employees must at all times be accountable to the people, serve them with utmost responsibility, integrity, loyalty, and efficiency kining nahitabo ni Mayor Lopez ug uban pang ana-a sa listahan niini sa kalakaran sa droga naghimo bani sila sa ilang responsibilidad nga ilang gidaut ang kaugma-on sa kabataan? Naa pa kahay integridad si Mayor Lopez, loyal pa kaha siya sa balaud ug sa goberno luyo sa iyang pag traidor sa balaud ug katawhan kong sa Japan pani Mayor Lopez, dapat mag dunggab kana ug Samurai o kaha mag pusil ka sa imong kaugalingong ulo, dili kana dapat maglangay kay ang traidor sa katawhan ug sa balaud walay luna nga mabuhi. Si Senador Pacquaio suportado ang death sentence hukom bitay kay gusto ni Pacman nga patyon ning mga adik ,pusher mas labaw ang drug Lord kay nakahatag ug dakong kadaut sa kaugmaon sa mga kabataan, diba kay Senador Pacquiao ka mi-surrender naku death penalty supporter na si Pacman, impas ka diha. Nagtu-o man gud ning mga tawhana kini nga mga opisyal kon maka lusot sila hangtud sa kahangturan nga magamit nila ang ilang power nga dili sila madakpan, sayup mo kay kadtong mga nadakpan mao to ang mokanta ninyo,mag katay-katay ang connection murag domeno, karon kinsa kaha ang mo sunod ni Mayor JOJO LOPEZ kay naa dawn aka lista didto sa green book na nakumpiska sa PDEA, naka lista ang promenenteng mga tawo lakip ang pangalan sa mga Politician, ako pa ninyo awaton ninyo si Iloilo Mayor Jed mabilog sibat nalang mo kay dili madugay kamo na ang susunod, atong atangan kong si kinsa ang sunod, abangan ang susunod na kabanata kudos sa PDEA, NICA-12,SAF, Joint Task Force GenSan,Police Regional Office-12 sa malampusong operasyon BIG Salute guys, Congratulations for the Job well Done !
