General Santos City—Nagpadayon pa ang gihimong imbistigasyon sa Kiamba Municipal Police Station kalabutan sa pagpamusil patay kang Barangay Tambilil, Kiamba, kapitan Reynardo “Rico” Amador, kansa gipusil patay alas 10:00 ang takna kagabie atubangan mismo sa ilang panimalay.
Sumala ni Po2 Jeramil Gloria, Imbistigador sa Kiamba Municipal Police Station nga bag-uhay lang gyud niabot ang kapitan sa ilang panimalay ug wala pa gani kini nakasulod sa ilang balay dihang siya gipusil sa wala mailhing suspek.
Nakaangkon ug samad sa iyang ulo ug apapangig ang nasangpit nga biktima nga hinungdan sa iyang kamatayon. Nasayran nga nadala pa sa ospital ang nasangpit apan gideklara kining dead on arrival.
Gidugang ni PO2 Gloria nga sa kasamtangan ila pang ginatan-aw kung may kalambigitan sa pulitika ang motibo sa kamatayon sa kapitan human nga subli unta kining mupapili isip kapitan sa maong barangay.
