Gipadayag sa Department of Health Caraga nga dinhi sa dakbayan sa Butuan ang barangay Libertad maoy adunay pinaka taas nga kaso nga natala.
Kining maong report gidasunan usab ni Punong Barangay Menchie Rosario sa Libertad diin iyang gitumbok ang Sitio Damayan nga adunay mga reported dengue cases.
Stagnant nga tubig ug ang suba mao ang gitan aw nga hinungdan sa pagdagsang sa lamok nga nag dala sa sakit nga Dengue.
Sa pikas bahin, Taas ang pagsaka sa kaso dengue dire na sa Caraga Region sa tuig 2018 kini ang gibutyag ni Dr. Glee Valenzona, Medical Officer 3 ug Infectious Cluster Head sa DOH Caraga.
Niya pa nga gikan niadtong buwan sa Enero 2018 hangtud sa Disyembre 2018 miabot sa kapin 6 thousand ang kaso sa dengue dire na sa caraga region kompara sa kapin 2,600 nga kaso sa dengue sa tuig 2017 sa susamang period.
Sa maong ihap 22 ang napatay sa mga nabiktima sa dengue sa Caraga sa 2018 kini 41% ang pagtaas lompara sa dose nga ihap sa napatay niadtong tuig 2017.
Sigun sa opisyal migawas sa pagtuon sa ahensya, basi sa data sa mga nakalabyang tuig nakita nga adunay pagsaka sa ihap sa mga nabiktima sa dengue ngadto na tulo ka tuig ug nasuta nga sa tuig 2018 midaghan pag-ayo ang ihap sa mga lamok nga nagdala ug dengue.
Subay niini nanawagan ang DOH sa publiko nga kinahanglan siguraduon nga limpyo ang palibot nga walay maitlogan sa lamok aron nga dili na modaghan pa ang kaso sa dengue.
Iya sab nga gikumperma nga dinhi sa Butuan ang Barangay Libertad ang adunay pinakataas ug kaso sa dengue apan sa tibook rehiyun mao ang Probinsya sa Surigao del Sur.
Sent from my Samsung Galaxy smartphone.
