Gibutyag ni Kapitan John Louie Naiz, sa Barangay Mailag siyudad sa Valencia nga wala siya masayod sa motibo sa mga suspek nga napusil ngadto kaniya.
Una niini, swerteng wala maigo sa pagpamusil sa tulo ka suspek ang brgy kapitan kaniadtong Huwebes sa udto.
Sa interview sa RMN Malaybalay ngadto kang kapitan Naiz, gibutyag ninii nga iyang gitimbang-timbang ang motibo sa pagpusil ngadto kaniya tungod kay wala matud pa siyay nakontra sa barangay Mailag.
Matud niini nga iyang ilang gihimo ang iyang katungdanan isip kapitan ug patas usab ang iyang pagtratar sa mga katawhan.
Dili gani usab daw niya batasan nga mangasaba sa iyang konstituwenti.
Gihagit pa niini ang mga suspek nga huna-hunaon sa makadaghang higayon kung unsa ang iyang nahimo sala sa iyang pagserbisyo sa mao nga barangay sa dili pa muhimo ug dautang plano batok kaniya.
Una nang narekober sa crime scene ang usa ka empty shell sa .45 caliber pistol.
