Dili makalikay sa anti illegal drug operation sa Philippine Drug Enforcement Agency kon P-DEA ang mga barangay officials sa Region 10 nga naa sa ilang listahan nga nag-gamit, nagbaligya ug naghatag proteksyon sa gidiling druga.
Mao kini ang bahad ni P-DEA Regional Director Wilkins Villanueva, sabay sa iyang pag-ingon nga makalaom ang adis-adis nga mga barangay officials nga naghulat kanila ang mga kaso nga ipasaka sa P-DEA kon dili sila mo-undang sa ilang illegal transaction sa illegal drugs.
Matud ni Villanueva nga dunay 11 ka mga barangay officials sa Region 10 nga nalambigit sa gidiling druga.
Sa Press Conference kagahapon sa hapon, gipagawas ni Villanueva, ang listahan sa barangay Narco Politics sa Region 10 aron likayan sa mga botante ang pagboto sa mga kandidato sa barangay sa Mayo 14 nga eleksyon nga nalambigit sa illegal drugs.
By: RadyoMaN Nitz Arancon
PC: Anne Jane Duhaylungsod
