Nagpaathag ang punong barangay sa Brgy. Guinhalaran, Silay City sa mga alegasyon nga may yara sang barangay kagawad kag mga patay na nga nalakip sa listhahan sang benepisyaryo sang Social Amelioration Program (SAP).
Santo sa alegasyon, yara sa listahan si Kagawad Joel Viñas, apang sa personal nga pag-usisa sang DYHB, wala sa listahan ang ngalan sang natungdan.
Apang yara naman sa listahan ang ngalan sang mga patay na nga sanday Romeo Villarias kag Dante Villarias.
Sa interview sang DYHB kay Punong Barangay Toti Lopez, gin-confirm sini nga mga 10 years na gid man nga patay si Romeo Villarias, apang may bata ini nga si Romeo Villarias Jr. nga isa ka traysikad driver. Ugaling, ang ngalan nga Romeo Villarias sa listahan sang SAP, ang wala sang suffix nga Sr. ukon Jr.
Gin-confirm man ni Lopez, nga mga tatlo katuig na gid man nga napatay si Dante Villarias gani nga nakibot siya nga yara sa listahan ang ngalan sini.
Ginpasiguro naman sang punong barangay, nga wala nakuha ang benepisyo para kay Dante Villarias bangud nga actual benefeciary ang dapat nga magkuha sini.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
