Gitun-an sa mga opisyal sa Environment Management Bureau kon EMB ang mga barangay officials ning syudad sa Cagayan de Oro sa ilang responsibilidad alang sa istrikto nga pagpatuman sa Republic Act. 9003, ang solid waste Management Act sa ilang tagsa tagsa ka mga barangay.
Kini atol sa gipahigayong usa ka adlaw nga Ecological Solid Waste Management barangay Summit nga gipasiugda sa City local Environment and Natural Resources Office kon CLENRO sa Deluxe Hotel kagahapong adlawa.
Matud ni Acting CLENRO Officer Engineer Armen Cuenca nga 73 sa 80 ka barangay ning syudad ang mitambong sa iyang gipatawag nga summit.
Gibutyag ni Cuenca nga iyang gipatawag ang mga barangay official pinaagi sa usa ka Summit aron ilang masayran unsa-on ang pagmanage sa ilang mga basura sa ilang tagsa tagsa ka barangay pinaagi sa patakaran ug giya sa R.A. 9003.
Gipasabot ni Cuenca nga daghang bag-ong napili nga opisyal sa kabarangayan nga nagkinahanglan nga masayod sila unsaon pagpatuman sa R.A. 9003 kay kon dili nila mapatuman ang maong balaod mahimong mag-atobang sila sa kaso sa Ombudsman.
Matud ni Cuenca nga kadtong kara-an nang mga barangay officials, gipahinomdoman usab sa EMB officials, unsa-on pag-sustain ug pag-maintain ang ilang Material Recovery Facility, MRF, aron dunay sustainable nga pag-implement sa R.A. 9003.
