Luwas na sa peligrong kahimtang si Barangay Tablon Kapitan Romeo Bacarro, human nga nabanggaan sa usa ka multicab kagahapong adlawa.
Nahitabo ang insidente sa Zone 2- National Highway, Barangay Agusan ning syudad, samtang sakay sa iyang motorsiklo.
Matud ni Kasamang Andrew Jacutin, nga luwas hinoon sa peligro si Kapitan Bacarro, gawas lamang sa gibati niining sakit sa abaga, dughan ug adunay fracture sa tiil.
Samtang kasamtangan nga detinado sa Police station 6 Puerto, ang drayber sa multicab nga nakabangga kang Barangay Tablon Kapitan Romeo Bacarro.
Kini alang sa dugang imbestigasyon sa kapolisan, apil na ang pagsuta kung nakainum ba kini o wala.
Nasayran nga mismong si Barangay Agusan Kapitan Andrew Ibod Melisa ang midala kang Kapitan Bacarro sa hospital, aron kini nga matambalan.
By: Radyoman Aiza Enloran
