Gipanghimakak sa usa ka Manny Bamuya Banawan, 44 anyos, minyo, taga Kiam-is Barangay Lumbia ning syudad ang giingong pagpang hostage niya sa iyang duha ka mga anak.
Matud ni Banawan nga nag-away sila sa iyang asawa tungod kay milakaw kini nga walay gibilin nga pagkaon.
Dugang pa ni Banawan nga buot lamang niyang masayran kung nganong galakaw ang iyang asawa ug unsay katuyo-an niini.
Giklaro ni Banawan nga dili hostage ang nahitabo kondili panaglalis lamang sa iyang asawa.
Samtang, gibutyag ni Police Captain Dennis Ebsolo, Hepe sa Police Station 8 Lumbia nga ilang nadawat ang taho sa asawa ni Manny Bamuya Banawan human kini makaikyas sa ilang panimalay.
Matud ni Captain Ebsolo nga dihang miresponde sila sa panimalay ni Banawan, makita nga anaa pa kini sa kasuko sa iyang asawa ug mabuhat pa niini ang buot niyang buhaton tungod sa kasuko.
Dugang pa ni Captain Ebsolo nga pirmi ibalik ibalik ni Banawan ang paglakaw permente sa iyang asawa.
Hinoon giklaro ni Ebsolo nga walay nahitabong paggunit sa suspek sa iyang mga anak apan granada ang gigunitan niini ug mibutyag nga pabuthon.
Pinaagi sa pagpakig-istorya sa suspek, nalipat kini sa kapolisan ug una nga giluwas ang mga bata.
