General Santos City—Personal grudge ang gitudlong motibo sa Police Station 4 sa pagpamusil patay sa usa ka barangay Tanod nga giilang si Ramon Polistico Brotarlo, legal age, residenti sa Solidad State, Barangay City heights Gensan, kansa una nang gipusil alas 7:00 ang takna kagabie sa may Sebastian Street, purok Paradise, Barangay City Heights Gensan.
Nasayran nga padulong na unta ang biktima sa Barangay Hall sa Barangay City Heights apan siya gipusil sa suspetsadong nakamotorsiklo.
Base sa mga nakakita sa krimen, nag lalis una ang biktima ug ang suspek ayha mibunlot ug pusil dayon gipusil ang biktima pila ka higayon sa ulo nga bahin nga hinungdan sa iyang hinanaling kamatayon. Paspas usab nga misibat ang suspek sa wala masayring lugar.
Narekober sa SOCO team ang tulo ka cartridge ug usa ka slug sa cal. 45 pistol kansa ginamit sa suspeksa pagpamusil.
Sa karon naghimo na ug makuting imbistigasyon ang kapulisan kalabutan sa maong insidenti.
