Generally peaceful ang pagpahigayon sa Barangay ug Sanguniang Kabataan Election 2018 sa area of responsibility sa Police Regional Office 9 (PRO-9).
Kini ang nahimong assessment sa kapulisan sa rehiyon human sa gipahigayon nga eleksyon kini bisan paman nga adunay natalang lima ka mga election related incidents atol sa adlaw sa eleksyon.
Base sa natala sa pro-9, ang maong mga insidente giisip nga isolated cases lamang ug walay serious violent incident nga na-report gikan sa mga lower units.
Ang malampusong pagpatuman nila pa sa Safe Barangay ug Sangguniang Kabataan 2018 Security Plan kauban ang significant operational accomplishment maoy nakatabang ug dako diha sa pagpatunhay sa kahapsay ug kalinaw atol sa pagpahigayon sa 2018 barangay ug sk election.
Ang Regional Director sa PRO9 nga si PCSUPT Billy B. Beltran kauban ang mga inspecting team gikan sa PRO9 maoy mihimo sa close supervision ngadto sa mga probinsya ug syudad kinsa gi-deklara isip areas under watch list aron pagsiguro sa hugot nga security operation.
Nasayran nga ang Police Regional Office 9 ug ang Armed Forces of the Philippines kon AFP counterpart mi-deploy ug 5, 195 sa ilang mga personahe aron pagsiguro sa 1, 883 ka mga polling centers dinhi sa rehiyon.
Karong bag-o ang PRO9 mipatuman sa Comelec checkpoints ngadto sa mga strategic areas sa rehiyon alang sa striktong implementasyon sa election gun ban panahon sa election period nga nagsugod April 14, 2018 nga nag-resulta sa pagka-sikop sa 53 ka mga individual ug pagka-kumpiska sa 60 ka mga armas apil na ang 1 explosive ug 6 ka mga bladed weapon.
