BACOLOD CITY – Nagpadayon ang Operation Baklas sang Comelec kahapon.
Lakip sa mga ginpangkakas sang Comelec ang mga posters nga gintapik sa Barangay Bata padulong sa New Government Center.
Suno kay Bacolod Election Officer Atty. Ann Janette Lamban nga kalabanan sa mga campaign materials nga ila nakuha sa operation baklas kahapon ang ila nanday former City Councilor Archie Baribar kag incumbent Councilor Bartolome Orola Sr.
Ginatugyan nalang sang Comelec Law Department ang pag-file sang kaso sa mga pasaway nga mga kandidato.
Gintugyan man ni Lamban sa mga botante sa Bacolod ang pagdesisyon kon bala ibutang sa pwesto ang mga kandidato nga naglapas sang campaign rules.
Nanindugan si Lamban nga wala wila sang campaign materials nga ginapili sa ila operation nga ginapatigayon sa kada Biernes nga adlaw.
