LA CASTELLANA – Gin-mando naman ni Mayor Rhumayla Nicor-Mangilimutan ang suspension sang klase sa tanan nga level, pre-school, elementary kag high schools humalin subong nga adlaw tubtob bwas, Pebrero 14.
Ini sa gihapon may kaangtanan sa paglaslas ni Bagyong Basyang sa probinsya sa diin ara sa Storm Signal No. 1 ang Negros Occidental as of 11 kaina.
Suno Mayor Mangilimutan nga iya ginmando niya man sa iya Municipal Disaster Risk Reduction and Management Office– ang pagbantay sa posibilidad sang pagbaha bangud delikado naman ini sa mga estudyante kag mga pamalay malapit sa kasubaan.
Samtang, ginmandu-an man ni Mangilimutan nga dapat naka-stand by ang tanan nga ahensya sang gobierno particular ang MDRRMO, Municipal Engineer’s Office, PNP, DSWD kag iban pa nga may kaangtanan sa disaster preparedness./ La Castellana MDRRMO photo
