Bulag na ang papa ug mama sa 9 anyos mga bata nga nalumos kagahapon human naligo sa Agusan river. Bugtong amahan na lamang nga usa ka construction worker ang nag-atiman sa maong biktima kauban ang 4 pa niya ka mag-suon.
Angay masayran, Wala na matabang sa MJ Santos Hospital ang pag-revive sa 9 anyos nga si Joco Madelo Sarmiento, 9 anyos ug residenti sa T. Calo St. brgy. Limaha ning syudad sa Butuan.
Gikatahung naligo sa Agusan river kagahapon sa hapon ang biktima kauban ang duha niya mga higala ug aksidenting wala na makatunga ang biktima gumikan sa kakusog sa “current” sa tubig.
Daling gi-rescue ug gisalom ni Petty Officer 3 Rolando Asis, sa Phil. Coast Guard aron luwason ang nalunod nga biktima apan milungtad pa ug 30 minutos ang milabay adesir niya nagunitan ang tiil sa biktima gumikan kay zero visibility ang ilalum sa Agusan river.
Aduna pa’y pulso ang biktima human ma-rescue sa Coast Guard hinungdan nga daling gidala sa MJ Santos Hospital apan gideklarang patay sa balay tambalanan.
Tumang kaguol ang gibati ni Reynaldo Sarmiento, 50 anyos, ang amahan sa biktima tungod kay anaa sa iyang podir ang tanang mga anak human gibiyaan sa iyang asawa.
Sent from my Samsung Galaxy smartphone.
