TALISAY CITY, NEGROS OCCIDENTAL – ( Update ) Ginpasakan na sang kaso nga rape with homicide ang mag-utod nga suspek nga nagpatay sa isa ka 10 anyos nga bata nga babayi sa ciudad sang Talisay sadtong nagligad nga Biernes, Enero 4.
Ini matapos nga nag-gwa sa resulta sang ginpatigayon nga autopsy nga gin-molestiyahan ang biktima nga nasapwan nga patay na sa isa ka balay nga naga-serbe boarding house sa Brgy. Zone 14-B, Talisay City.
Suno kay Talisay City Police Station, Officer-in-charge Police Supt. Boots Aseo nga ginpasakaan na sang kaso ang suspek nga si Almar Duron, 20 anyos kag ang iya 17-anyos nga manghud.
Madumduman nga sadtong Biernes, pasado las 9 sang gab-i, nasapwan na lamang ang bangkay sang 10-anyos nga biktima nga bata nga babayi nga yara sa idalum sang lababo, gintakluban sang labador, nakabaklid ang kamot, may busal ang bibig kag gintabunan sang plastic ang nawong.
Sang nadakpan, todo deny ang suspek nga siya ang may kahimuan sang krimen, tig-aylo may gintudlo pa ini nga iya abyan nga nagahingalan kay Jason nga suno sa iya nabilin sa boarding house agud mag-suyup sang shabu sa mga panahon nga natabo ang krimen.
Apang, sang ulihi, gin-ako gid man sang suspek nga ini siya ang naga-suyup kag amo ang may kahimuan sang krimen bangud nadulman gid lamang siya./dyHB BACOLOD
