Bisan paman og himsog nga gipakatawo ang masuso, kansang 22-anyos nga inahan nagpositibo sa Zika Virus, apan ang Department of Health (DOh)-7 nipahibawo nga padayon nilang monitoron ang mao nga bata sud sa duha ka tuig.
Matod ni Renan Cimafranca sa Regional Epidemiology and Surveillance Unit (RESU), nga kini human nakitaan og mga physical disability kadtong mga bata nga gipakatawo didto sa nasud nga Brazil, kansang mga inahan nagpositibo sab sa Zika.
Dili pa hinoon matumbok sa ahensiya kun ang Zika virus maoy nakaingon sa mga physical disability sama sa visual ug hearing impairment, tungod kay wala pa’y gihimong pagtuon kalabot niini.
Nasayran nga kadtong mga mabdos nga inahan nga dunay sakit nga Zika, posibleng makaangkon ug Microcephaly ang ilang mga anak kun ang paggamay sa ilang ulo diin makuha ang maong sakit pinaagi sa pinaakan sa lamok.
Himsog ra hinoon ang masuso nga usa ka batang babaye.
Kahinumduman nga nakuhaan ang 32-anyos nga inahan, kinsa maoy ikaduhang pasyente nga nagpositibo sa Zika virus.
Apan gipasabot ni Cimafranca nga wa kini magpasabot nga nawagtang na sab ang virus sa inahan human siya makuhaan.
Sa kasamtangan, ang ahensiya wala pa makatala ug kaso sa microcephaly dinhi sa Pilipinas.
Dugang niini, minus ra sab ang porsyento nga mo-develop sa microcephaly ang strain sa Zika Virus dinhi sa Asya, itandi sa Latin Amerika.
Facebook Comments
