Iminungkahi ng Commission on Human Rights (CHR) sa Kongreso na magpasa ng batas na magtatakda at magbibigay ng parusa sa Extra Judicial Killings (EJKs).
Ayon kay CHR Commissioner Gwendolyn Pimentel-Gana, ang gagawing panukalang batas ay dapat nakabase sa international human rights laws and standards.
Aniya, sa ganitong paraan, mapipigilan ang korte na pagbali-baliktarin ang kanilang desisyon at mapanatiling nakatuon sa pagprotekta ng kanilang integridad at kalayaan.
Matatandaang nabatid ng CHR na sa 466 drug suspect na umano’y nanlaban habang nagsasagawa ng anti-illegal drugs operations ang kapulisan, 11 lamang sa mga ito ang nakaligtas at nabuhay.
Dahil dito, iginiit ni Gana na dapat panagutin ang nasa likod ng nasabing krimen.
Facebook Comments
