Nag-unang mga kandidato sila Senador Grace Poe ug Cynthia Villar sa Mindanao basi sa gihimong RMN 2019 Election Survey sa bulan sa Nobyembre. Si Poe nakakuha sa 67.09% batok Villar nga nakakuha og 60.53%, gisundan ni Lito Lapid sa 55.36%, Pia Cayetano nga dunay 54.48%.
Ang bag-ong magpapili isip Senador nga si Roland “Bato” Dela Rosa nabutang sa ikalimang pwesto nga dunay 49.56%, gisundan ni Nancy Binay sa 47.79% ug Jinggoy Estrada sa 46.66%.
Samtang ang ika 17 sa nationwide results nga si kanhi SAP Bong Go nabutang sa ika-9 nga pwesto nga dunay 39.72% sa iyang area sa Mindanao, ika-10 si Koko Pimentel nga dunay 37.96%, ika-11 si Imee Marcos nga dunay 36.82% ug ika-12 mao si JV Ejercito nga nakakuha sa 34.55%.
Sa kinatibuk-ang nationwide results nag-una si Poe, ikaduha si Villar, ikatulo si Lito Lapid, ika-upat si Pia Cayetano ug Nancy Binay. Nasulod sa top 10 silang Jinggoy Estrada, Imee Marcos, Mar Roxas, Bong Revilla ug Bato Dela Rosa.
Nagtabla sa ika 11 nga pwesto hangtud sa ika 14 mao silang Koko Pimentel, Serge Osmeña, JV Ejercito ug Bam Aquino alang sa katapusang duha ka pwesto sa senate race.
Mokabat sa 3,382 ka mga tigpaminaw sa radio ug registered voters sa tibuok nasud ang gi-interview gikan niadtong Nobyembre 6-17, 2018 alang sa RMN Networks 2019 Election Survey.
Kini gihimo sa RMN Research Department (Tel. 815-8304) sa tibuok RMN Network of stations aron makahatag og resulta sa mga major areas sa Pilipinas. Ang mga nakuhang data gisusi ug gi-verify sa independent research consultants.Ang margin of error mao ang (+) o (-) 2.5%.
Kini nga proyekto kabahin sa RMN Networks commitment aron madugangan ang kahibalo sa katawhan ug voter participation sa 2019 elections.
