Hinigaran, Negros Occidental – Liwat nga hingyuon ni Hinigaran Mayot Jose Nadie Arceo si Philippine National Police Director General Ronald ‘Bato’ Dela Rosa angot sa replacement sang walo ka mga pulis nagpare-assign matapos ginrelieve si PSInsp. Lawrence Bathan.
Suno kay Arceo napulo na gid lamang ang nabilin nga pulis sa Hinigaran nga indi naman bastante ilabi na sa iya plano nga mas masangkad nga kampanya kontra iligal nga druga kag kreminalidad.
Una na nga ginrelieve ni dela Rosa si Bathan bangod sa obserbasyon sang alkalde nga pigado ang kampanya sini sa druga sa diin wala nadala ang high value sa ila banwa.
Para kay Arceo, daku nga insulto sa mga Hinigaranon ang amu nga report sang pulis bangod public knowledge na ang mag-amay nga “Ramos” sa ila lugar.
Mga 90% pa gihapon sang Hinigaran ang apektado sang druga suno kay Arceo rasun nga dapat ini tutukan sang PNP.
Sa paghalin ni Bathan, nagtal-os sa iya PSInps. Jake Barilla sa diin nagalaum si Arceo nga seryosohon sini ang illegal drug campaign sang banwa. Ang masubo lang suno kay Arceo paano makahulag ang iya mga pulis bangod napulo lang ini bangod sa reassignment sang walo.
