Nagdugang ang Armadong Kusog ug battalion
Kagamhanan padayong nag-atubang sa rebelyon
Insurhensya sa nasod kini ang nakitang solusyon
Pakigbisog nga gitay-an na’s kadugay nga panahon.
Padayon ang pagpang-recruit kinsay magsundalo
Aplikasyon iduso na kun si kinsa ang interesado
Kini maoy opurtunidad nga ikaw makaserbisyo
Kanang imong kaisog mapahimuslan sa gobyerno.
Tinguha sa gobyerno ang pagpuo sa mga kumunista
Rebelyon usa sa nakapahugno kuno sa ekonomiya
Kalamboan niungot tungod kay dunay insurhensya
Kasayang sa pundo nga gipamalit ug bala sa gyera.
Lalom na ang dulot sa dugay na nga pakigbisog
Apan wala mangaluya bisan ug walay daog-daog
Nganong padayong nagpailad sa mga bolay-og?
Protektahan ang kagawasan ug kita dili patarog.
RadyoMaN Erin Lumosbog
