TACLOBAN CITY – Nabiktima hi Lalaine Malinao han upat nga suspek hin budol-budol, pickpocketing ngan snatching ha syudad han Tacloban. Nakuha ha iya an iya IPhone 6 nga cellphone.
Nakuhaan pa ha CCTV camera an panhitabo ha usa nga Department Store ha downtown area.
Sanglit pinaagi han CCTV camera, arestado dayon an mga suspek nga ginkilala nga hira Ronniel Torres, Josephine Torres, Ma. Abegail Dela Rosa, ngan Mantilla Gertrude ngan ini hira nga upat in mga taga Cebu City.
Sumala kan PCInsp. Steve Castillote, station 2 commander , narecover tikang ha mga suspek an kwarta han mga ginbiktima pa han uupat. Umabot na ha 7 nga complainant an pumakadto ha TCPO Station 2 para magreklamo.
“Nagkakdakop ini nga upat ngan narecover ha ira an kwarta amu nga ginpandakop ini. Katima igindara namon ha police station mayada man kami CCTV footages han una nga mga biktima, hira gud an responsible so kakulop 7 na an kumadi nga biktima para mag file hin reklamo.”
Ginbibiling na liwat yana han pulisya an iba pa nga suspek kay mayada daw handler an mga ini.
Nakipag coordinate na an Tacloban City Police Office ha iba nga police station ha rehiyon kun may nabiktima pa ini nga uupat nga suspek.
