Sa Triple B sa DepEd dapat wala nay bata nga dili kamao mubasa
Gipaklaru sa Department of Education (DEPED) ang insaktong kahulugan sa programa’ng “No Child Left Behind” diha sa mga tulunghaan.
Gipasabot ni Ariem Cinco, information officer sa DEPED Caraga nga pinaagi niini kinahanglan walay estudyante ang mabiyaan nga dili magtoon sa klase aron mokat-on sa mga leksyon.
Niya pa nga wala nagpasabot ang maong programa ug ‘mass promotion’ sa mga estudyante bisan ug wala kini’y nakat-onan sa klase.
Kung makita sa usa ka magtutudlo nga angayan ibagsak ang estudyante gumikan sa ka-hinay niini mokat-on luyu sa sub-sub nga pagtudlo ang mahimu kini’ng buhaton sa mga magtutudlo.
Gihimu sa opisyal ang pagpasabot sa tinoud nga kahulogan sa programa sanglit nahimung pagtoo sa daghang mga magtutudlo nga dili sila mahimung mobagsak ug estudyante tungod kay mosumbalik kini sa ilang ‘performance’ ug moguba sa ilang record isip magtutudlo (with report archer capadeso/ivy falcone).
