Bayaw nalab-an matapos ginsaway ang away mag-asawa

166

LA CASTELLANA, NEGROS OCCIDENTAL – Ginlabo sang iya bayaw ang isa ka soltero bangud gid lamang iya ini ginsaway sa away nila sang iya asawa kagab-i sa Brgy. Sag-ang, banwa sang La Castellana.

Ginkilala ang biktima nga si Jose Espartero, 19 anyos, tumandok sang banwa sang Barbaza, probinsya sang Antique.

Suno sa biktima nga may mga las 8 kagab-i iya sini ginkadtuan ang iya magulang bangud nga naga-away ini sila sang iya bana may mga alas 8 kagab-i sa Had. Conchita, Brgy. Sag-ang, La Castellana.

Tuyo sang biktima nga magsaway gid lamang kuntani kag magtambag bangud nga naga-away ang mag-asawa.

Apang nakibot siya bangud hinali na lamang ini nga ginlabo sang iya bayaw kag naigo sa iya likod.

Gindala sa Corazon Locsin Montelibano Memorial Regional Hospital ang biktima kag padayon ini karon nga ginabulong./dyHB BACOLOD

Facebook Comments