BACOLOD CITY – Nagdangat sa kapin P10.2 million pesos nga balor sang illegal nga droga ang na-recover sang Bacolod City Police Office, BCPO sa sulod sang anum ka bulan.
Ginpahayag nga sa drug operations sang BCPO, na-recover sang kapulisan ang kapin sa 677 ka gramos sang shabu kag kapin 60 ka gramos sang marijuana.
Gin-present sang BCPO paagi kay PSSupt. Francisco Ebreo ang ila accomplishment sa una nga anum ka bulang sa Balay Silangan Program sang Philippine Drug Enforcement Agency kag City Anti-Drug Abuse Council.
Kapin sa 191 naman ka operation ang ginpatigayon sang kapulisan, 422 ka mga kaso ang ginpasaka batok sa mga drug suspects samtang 58 ka ang mga nag-surrender.
Lakip sa naneutralize sang BCPO nga drug group leader amo si Ramy Poja sang Barangay Banago sadtung Mayo 24 sa diin napatay ini sa amu nga operation./dyHB BACOLOD
