May nakuha na mga impormasyon ang Police Station 4 kag Bacolod City Police Office (BCPO) sa ginapahayag lider sang Epogon Organized Crime Group nga naaresto sa banwa sang Cauayan kahapon.
Sa interview sang DYHB kay Police Major Lowell Garinganao, hepe sang Cauayan Municipal Police Station, ginkumpirmar sini ang pagpadulong na sang BCPO sa Cauayan kagab-i agud magpangusisa sa suspek nga si Francisco Epogon, 30-anyos sang Sitio Maluy-a, Brgy. San Jose, Sipalay apang indi niya mapalayag ang mga impormasyon.
Nahibaluan nga ang Epogon group ang ginatudlo responsable sa pagsulod sa balay kag pagpatay sa Belgian national nga si Carl Nolens sa Villa Angela Subdivision, Brgy. Villamonte, Bacolod City nagligad nga semana.
Samtang, ginkumpirmar sang hepe nga mga miembro lamang sang pamilya sang suspek ang iya mga kaupdanan sa amo nga organized crime group. Naga-ayo man si Garinganao sa iban na pumuluyo nga posible nabiktima sang nasambit nga grupo nga maguwa kag magpasaka sang kaso batok sa mga ini.
[image: image.png] [image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
