Pagadian City – Kasong paglapas sa Akta Republika 9165 nga mas nailang “Comprehensive Dangerous Drugs Act of 2002” ang giatubang karon ssa usa ka beautician human kining nadakpan sa gilusad nga anti- illegal drugs buy-bust operation sa tropa sa Station Drug Enforcement Team sa Pagadian City Police Station alas 11:00 kagahapon sa buntag.
Giila ang nadakpan nga si AIDRIAN JHON CANATES FLORES a.k.a “ANGEL”, 33-anyos, kasamtangan nga nagpuyo sa Purok Avocado, Paglaum 2,Tuburan, Pagadian City, Zamboanga del Sur giila nga Newly Identified Drug Personality.
Nakumpiska gikan sa posisyon ug kontrol sa dinakpan ang tulo ka gamay pakite sa gituohang “shabu” nga gibana-bana ang market value nga mobalor 2,000.
Nahipos usab gikan sa dinakpan ang (500) nga buy bust money, usa ka cellphone ug pitaka.
Ang suspek kasamtangan nga gipaslak karon sa Pagadian City Police Station detention cell samtang nagpaabot sa sunod nga mando sa korte.
