ILOILO City – Uyatan na ni city agriculturist Romulo Pangantihon ang beautification program sang syudad.
Suno kay city administrator Atty. Hernando Galvez magapaggwa subong nga adlaw sang memorandum si mayor Jose Espinosa III nga nagahatag sang katundagan kay Pangantihon.
Paathag ni Galvez mas makapaayo nga nagresign bilang program head si City Budget Officer Ninda Atinado agud makafocus sya sa iya trabaho sa budget office.
Dugang pa ni Galvez nga ang beautification program mas nagakadapat nga uyatan sang city agriculturist bangud kabahin ini sang ila mandate.
Pasalig ni Galvez nga indi madula ang programa sa baylo mas pabaskugon pa ini agud masakop ang bug-os nga syudad.
Matandaan nga nagresign si Atinado bilang program head bangud nagkadisgusto ini sa pagkakas sang 45 niya ka mga job hires.
Nanindugan naman si Galvez nga kuhaon na kada barangay ang i-assign sa beautification kag indi lamang sa isa ka barangay kaangay sang nauna na nga ginahimo sang opisina ni Atinado.
Photo from web
