Ginpasidunggan bilang Regional Winner sang DOLE-Best Assisted Livehood Project para sa individual category ang Bai Lyn’s Food sa Polomolok, South Cotabato sa diin ginkilala ini sa paghimo sang Crispy Amik, isa ka authentic Moro delicacy nga mas kilala sa tawag nga tinagtag.
Nakabaton naman si Bai Lyn Sirag sang 30 thousand pesos cash prize kag plake.
Sa Group Category nakuha naman sang Katipunan Youth Herbs and Spices Grower’s Organization o KYHSGO sa Arakan ,North Cotabato. Ang grupo ang nakabaton sang plake kag 50 thousand pesos.
May-angot sini, ginpahayag ni KYHSGO President Shenielyn Mamilla nga tungod sa bulig sang DOLE madamo naman sang kabataan ang nabuligan sang ila nga grupo kag nakilala naman sila sang komunidad.
Ang nasambit nga mga regional winners ang mangin pambato sang DOLE 12 sa 2020 Kabuhayan Awards.
Suno naman kay DOLE 12 Regional Director Raymundo Agravante ginalauman niya nga makakuha sang kadalag-an sa national level ang mga regional awardee.
Ginpahayag ni AGravante nga katuyuan sang Search Best DOLE-Assisted Livelihood Project nga pasidunggan ang ila mga benepisyaryo nga napaumwad ang livelihood project nga ginhatag sang gobyerno.
