Nagbunga ang paningkamot sa Police Regional Office (PRO 13) sa pagpalig-on sa PNP Advisory Councils gikan sa rehiyon padulong sa municipal police stations.
Kini human usa sa napasidunggan ang Regional Police Strategy Management Unit (RPSMU) sa PRO 13 sa ika 116th nga anibersaryo sa Phil. National Police didto sa Camp Crame kagahapon diin si Pang. Rodrigo Duterte kauban ni PNP Chief Dir. Gen. Ronald Bato dela Rosa, ang mitunol sa pasidungug.
Si PSSupt. Jimili Macaraeg, ang regional chief sa RPSMU maoy midawat sa pasidungug.
Gipasabot ni PSupt. Martin Gamba, spokesman sa PRO 13 nga ang RPSMU maoy nagpatuman sa mga PATROL Plan 2030, “Peace and Order Agenda for Transformation and the Observance of the Rule of Law.” pinaagi sa aktibong partisipasyon sa tanang sektro sa katilingban diha sa PNP Advisory Council.
