BFAR 11: Suplay sa isdang galunggong igo pa kaayo sa rehiyon

25

Davao City – Gipaniguro karon sa Bureau of Fisheries and Aquatic Resources Davao Region nga adunay igong suplay sa isda nga galunggong ang rehiyon onse.

Gipamahayag ni BFAR 11 Director Fatima Idris nga walay problema ang rehiyon onse sa suplay nga isdang galunggong luyo sa nasinati nga kakuwang sa suplay sa Luzon area.

Aminado si Director Idris nga adunay pagkuwang sa suplay sa isdang galunggong sa nasud apan didto lamang kini nahitabo sa Luzon area nga nahimong hinungdan sa pag-import og galunggong sa China.

Busa gitindogan sa opisyal nga dili kinahanglanan sa rehiyon onse mag-angkat og maong isda gikan sa ubang kanasuran.

Giluwat ang pagklaro sa opisyal human gisulti sa Department of Agriculture ang ilang plano sa pag-import og isda nga galunggong sa ubang kanasuran.

Malaumon ang opisyal nga mabalik ra sa normal ang suplay sa galunggong og presyo niini sa nasud.

RadyoMaN Joel Viray

Facebook Comments