Karong adlawa, magpahigayon ug unity walk ang taga Bureau of Fire Protection BFP- Dipolog isip tipik ug kabahin sa pagsaulog sa fire prevention month Karon nga bulan Marso tuig 2018.
Adunay Tema ang 2018 Fire Prevention Month nga “Ligtas na Pilipinas ang ating hangad, Pag-iingat sa sunog ay sa sarili ipatupad”.
Matod pa ni SFO2 Renato Velasco sa BFP dinhi sa atong dakbayan sa Dipolog magpahigayon sila ug fire prevention walk karong adlawa gikan alas 5:00AM hangtod kini sa may 7:00AM didto kini mosangko sa Boulevard.
May mga programa sila nga pagbuhaton may kalabot kun unsay angay buhaton kun may sunog nga mahitabo sa mga tagsa-tagsa ka mga kabalayan.
Kini nga kalihukan dungan kini nga ipahigayon sa matag lungsod, Syudad, ug Lalawigan sa tibuok nasud sa Pilipinas.
Pagabuhaton usab sa BFP ang demonstrasyon sa pagpangandam kung pananglit mahitabo ang The Big One.
Kanunay usab nga nanawagan ang BFP Dipolog nga magtinabangay ang matag indibidwal ug kanunayng mag amping aron makalikay sa sunog.
