General Santos City–Malaumon ang Bureau of Fire Protection-Gensan nga maresolba sa dili madugay ang isyu sa ilahang buhatan tali sa lokal nga panggamahanan sa dakbayan sa Gensan. Sumala kang SFO1 Oliver Alfeche, Spokesperson sa BFP Gensan nga igo lang nga nagtuman ang ilahang buhatan sa mandato ngadto kanila subay sa nakalatid sa balaud.
Dugang niini nga ilahang gikasubo ang plano sa LGU-Gensan nga papahawon sila sa ilahang lugar gumikan gawas nga anaa na sa lima ka dekada ang BFP-Gensan sa maong lokasyon, makonsiderang anaa kini sa strategic place gumikan anaa kini nahimutang sa sentrong bahin sa syudad kung asa adunay daghang business establishment.
Gibutyag usab ni SFO1 Alfeche nga wala pa nahisgutan sa Regional Office sa BFP Region 12 ang maong isyu apan nanghinaut kini nga pinaagi ni Fire Chief Inspector Lowyn Amoyar, maresolba ang problema sa iyahang level pa lang. Sulod matud pa sa sulat nga gikan sa City Mayor Office mao ang pagpahinumdum sa BFP Gensan nga gipanag-iyahan sa LGU ang luna niini ug pwede kining bakwion bisan unsang orasa.
Gani, gihatagan sila ug unom ka bulan aron nga mupahawa sa ilahang buhatan kung walay aksyon nga himuon ang ilahang Regional Office. Sa karon, padayon matud pa sila sa ilahang tahas ug mandato isip anaa sa buhatan sa BFP.
